Quànno sie puveriello 'a niente cùnti
e chello ca penzi nun te dà raggiòne.
A miseria, gloria nun ne dà e nun fa santi
e pè 'a gènte tene pure pòco còre.
'O ricco 'a sape lònga
e quànno parla è tùtta nuvità
e chi le stà vicino se lusinga
pecchè 'a chi è vestuto 'a frac jesce sùlo verità.
'O core puveriello quànno sbatte
si, se sente, ma nu và cchiù 'e llà
e si ce tene sentiménto nisciùne se l' accatte
se 'o ricco se mètte 'a verseggià.
E scunfurtàto io ca ogni notte
dinto 'o scùro accocchio p''arrangià
dùie parole astritte astritte
p''o fa cuntente e p'' àccumiglià.
Ma fino 'a quànn''o pòsso sfrugulià
pe farle credere ca ìnt ''a st' àrte
Dio ce penza a nun c''abbandunà
e ca pe mò rimmane appesa 'a sciòrta!
(1996)
Nessun commento:
Posta un commento